Меню KDT
МЕНЮ
№69 мектеп-гимназия сайтына қош келдіңіздер!

Астана қаласының №69 мектеп-гимназиясына
қош келдіңіздер!

 «Білім-теңіз, мектеп-кеме, кемесіз судан өтемін деме»-деп ұлыларымыз атап көрсеткендей, мектеп табалдырығын аттамай, ұлағатты ұстаздан тәлім алмай, телегей теңіз өмір айдынында еркін жүзу мүмкін емес. Қазақ даласындағы білім ордаларының  түп тамыры тереңде жатыр. Оған қазақ даласындағы алғаш Жәңгір ханның  ұйымдастыруымен Бөкей ордасында ашылған мектеп пен Торғай топырағында ашылған Ы.Алтынсарин мектебі  куә. Адамның парасатты тұлға болып қалыптасуына алтын ұя мектептің атқаратын рөлі ерекше.
        Алтын ұя мектебім аялаған,
        Бар балаға білім беріп, сая болған.
        Үлкен жолға түсіріп шәкірттерін,
        Жаманға да, жақсыға да пана болған.
     Таудай болып шығасың - деп өте керемет айтқан. Қазіргі ұшқан құстай дамыған жаңа заманда ғылым мен технологияны қатар меңгерген дарынды ұрпақтар тәрбиелеу біздің басты міндетіміз болмақ.
 Ол үшін ұлт ұстазы, ұлы ойшыл-ғұламамыз Ахмет Байтұрсынұлы айтқандай: «Біз-бай, білімді һәм күшті болуымыз керек. Бай болу үшін кәсіп керек, білімді болу үшін оқу керек, күшті болу үшін бірлік керек». Сол үшін бұл мақсатты жүзеге асыруда  ақпараттық кеңістікті кеңейте отырып жұмыс жүргізіу бізге барынша тиімді болмақ. Сол үшін де біз мектеп-гимназиясының сайтын ашып отырмыз.
 Сайтта мектеп тынысымен танысып, біздің жетістіктерімізбен  жеңістерімізге қуанып, оқушылармен бірге қызықты сабақтарды, интеллектуалды сайыстарды,  іс-шараларды  тамашалаулары-ңызға болады. Берілген сайт парақтарында біздің мектеп туралы толық ақпарат алуларыңызды ұсынамын. Біз үшін мектебіміз және сайт туралы сіздің пікіріңіз құнды.